బాల కాండము
107
సోఁకోర్చిదిక్కుల - చూపులునిల్పి
నిద్దురమానికం - టికిఱెప్పగాచు
పద్దునరేయును - పగలునేమరక
యెక్కిడునట్టి విం - డ్లెక్కిడినట్లు
తొక్కిన మెట్టులు - త్రొక్కినయట్లు
పట్టినశరములుఁ - బట్టినయట్లు
కట్టినధట్టీలు - కట్టినయట్లు2580
తమలోనఁ దారన్న - దమ్ములొండొరులు
సమయముల్ దెలుపుచు - జతనముల్ గలిగి
యాతరివర్తింప - నాఱవనాఁడు
హోతల వివిధమం - త్రోరు నాదములు
సామాదినిగమవి - స్తారఘోషములు
నామోదకరదేవ - తాహ్వనరవము
రాఘవజ్యాలతా - రావంబు నెనసి
మోఘంబుగాక క - మ్ముకఘూర్ణిలంగ
విని యాగ్రహమునభా - వించిరాక్షసులఁ
బనిచి మారీచసు - బాహులాయాగ2590
శాలలో రక్తమాం - సంబులుగురియు
నాలోచనల్ చేసి - యనిచి వెంబడిని.
మెఱుపులతోవచ్చు - మేఘంబులనఁగఁ
బరగి మారీచసు - బాహుదానవులు
అసిలతాయుగళమ - ల్లార్పుచుమింటి
దెెసఁదోఁచుటయును ఋ - త్విజులు భీతిల్లి
"శ్రీ రామచంద్ర! వ - చ్చిరినిశాచరులు
వీరె నెత్తురుజళ్లు - వేదికమీఁదఁ
