బాల కాండము
105
మురవైరిముల్లోక - ములు నిండఁ బెరిగి
ధరయెల్ల నొక్కపా - దంబునఁగొలిచి2530
యాకాశ మదియొక్క - యడుగుననుంచి
పైకొనిబలిఁద్రొక్కి - పాతాళమునకు
నాకైవడి నుపేంద్రుఁ - డన్నయైనట్టి
నాకీశునకు భువ - నము లెల్లనిచ్చి
యతులతపోనిష్ఠుఁ - డైయుండునునికి
నతనిచే నిదివామ - నాశ్రమంబయ్యె.
చేరుదమివ్వన - సీమకు” ననుచు
నారాఘవులతో మ - హాతపోధనుఁడు.
-: రామాదులు సిద్ధాశ్రమముఁ జేరుట :-
ప్రాలేయమని పున - ర్వసుఁగూడివచ్చు
లాలితశ్రీల క - ళానిధియనఁగ.2540
వచ్చుచో నచ్చటి - వాచంయ్యమీంద్రు
లచ్చపుభక్తితో - నర్ఘ్యపాద్యములు,
కౌశికునకు యిచ్చి - కరమర్థివచ్చి
దాశరథులకు స - త్కారముల్ చేసి
యాతిథ్య మొసఁగిన - నచ్చోటవారు
ప్రీతివసించి యో - రేయి నిద్రించి
మరునాడు రామ - లక్ష్మణులు ప్రభాత
కరణియ్యములు దీర్చి - గాధేయుఁజూచి
“సిద్ధసంకల్ప! యీ - సిద్ధాశ్రమమున
సిద్ధంబుగా యాగ - సిద్ధిఁ గైకొనుము.2550
