84
శ్రీ రామాయణము
కన్నుల బాష్పాంబు - కణములురాల
నన్నువబిడ్డల - నంకపాళికల
ముద్దాడిశిరములు - మూర్కొనిమమత
కొద్ది కన్నులఁజూచి - కూఁకటుల్ దువ్వి
యిరువురచేతులు - నిరుగేలఁబట్టి
నరపతి గాధేయు - నకు నొప్పగించె.
తనకుమ్రొక్కినయట్టి - దశరథుపట్టి
గని వసిష్ఠుఁడు రాము - కరముల నిమిరి2030
సకలాంగరక్షకై - చాలమంత్రించి
యకలంకమతిగొల్వుఁ - డనిపనుచుటయుఁ
కైకొనివారలఁ - గౌశికుఁడమర
లోకంబునకు నాత్మ - లోఁదీఱె భయము
శుభశకునంబులు - చూచుచు రామ
విభుఁడువెంబడిరాఁగ - వెనకలక్ష్మణుఁడు
కవదొనల్ జోడుసిం - గాణులు దాల్చి
యవిరళప్రీతి పం - చాననుండైన
శేషునికైవడి - చెలువొప్పువారి
వేషముల్కన్నుల - విందొనరించె.2040
అసములు బద్దగో - ధాంగుళీత్రాణు
లసిధరుల్ కాకప - క్షాంచితులగుచు
నల యజుంగని కొల్చు - నశ్వినులనఁగ
నలరి రమ్ముని వెంట - నక్కుమారకులు
శంకరు వెనకవి - శాఖకుమారు
లంకిలి లేక పా - యకకొల్చు రీతి
అర్థయోజన మాత్ర - మరిగి రాజన్య
మూర్థన్యుతోడ న - మ్మునియిట్టులనియె,
