శ్రీరామాయణము
73
-: దశరథునికడకు విశ్వామిత్రుఁడు వచ్చుట :-
యిచ్చమీదటికార్య - మెల్ల నెఱింగి
వచ్చె నచ్చటికి వి - శ్వామిత్రమౌని
దౌవారికులతోడ - తనవచ్పు రాక
యావేళ నెఱిఁగింపుఁ - డన వారు భీతి1760
విన్నవించెను మహీ - విభుఁడు తానున్న
యున్నతాసనము కా - లూఁదక డిగ్గి
యింద్రుండు బ్రహ్మకు - నెదురేఁగుమాడ్కి
సాంద్రభక్తిని వసి - ష్ఠసమన్వితముగ
గాధేయుకడ కేఁగి - కాంచి యమ్మునికి
సాధువైఖరి నమ - స్కారం బొనర్చి
యతిభక్తి నర్ఘ్యపా - ద్యంబు లొసంగ
అతఁ డమ్మహిపాలు - నాశీర్వదించి
“సేమమే రాజ! వ - సిష్ఠభద్రంబె?
భూమీశ! లెస్సలె - పుత్రుల కెల్ల?1770
కుశలమే? నీ రాష్ట్ర - కోశంబులకును
దిశలభూవరులు వి - ధేయులే నీకు?
సుఖమె మీప్రజలకుఁ - జుట్టంబులకును?
సఖులెల్ల నానంద - సహితులైనారె?
పరిణామమా నీఁదు - పడఁతులకెల్ల?
దొరసియుందు రెగడి - దొరలు నీయాజ్ఞ
సామంతు లెపుడు - చనువుగోరుదురె?
నేమముల్ నడుచు - నే నీయాశ్రితులకు?
నడపుదే రాష్ట్రకంట - కశోధనంబు?
కడతేర్చినావె సం - గరమున రిపుల?1780
