71
శ్రీరామాయణము
ఆవేళ భువినిండె - నలరులవాన
దేవతాదుందుభుల్ - దివినెల్ల మొరసె1710
పాడిరి గంధర్వ - భామినుల్ మింట
నాడిరి లాస్యంబు - లప్పరాంగనలు
మలసె వాసనలతో - మలయమారుతము
వెలసె వేలుపుల దీ - వెన లాకసమునఁ
బురజను లానంద - మునఁ దేలిరపుడు
ధరణీశుతపము నెం - తయు నిండఁబండె
పొంగెను విల్లెత్తు - పొడవు ధరిత్రి
మంగళాలంకారమయ - మయ్యెఁ బురము
దశరథుఁ డపుడు గో - దానసహస్ర
దశతులాపూరుషా - ద్యము లొనరించి1720
భూరిసువర్ణముల్ - భూరిగా నొసఁగి
పౌరులు ద్విజులు తె - ప్పలఁ దేలనిచ్చి
సేమంబున వసిష్ఠు - చే జాతకర్మ
నామక్రియాదులు - నడపించి యతఁడు
తనయులు నలువురు - ధార్మికాగ్రణులు
జనలోకవినుతు లా - జానుబాహువులు
చక్కనివారు వి - శాలలోచనులు
మిక్కిలిమగటిమి - మించినవారు
సత్యసంధులు సర్వ - సములుఁ బుణ్యాత్ము
లత్యుదారులు విన - యవివేకపరులు1730
వారలందఱిలోన - వర్ణింపరాదు
శ్రీరాముగుణము లా - శేషునకైన
