69
శ్రీరామాయణము
గోపుచ్ఛములు నెలుం - గులు వానరములు
సౌపూర్ణసత్త్వాడ్యు - లరిజయోన్నతులు
శైలభూరుహనఖ - శస్త్రాస్త్రదంత
వాలాయుధులు భూమి - వ్రయ్యలు సేయ
జలధులు గలఁప న - క్షత్రముల్ రాల్పఁ
గులగిరు లగలింపఁ - గుప్పింప శరధి
మిన్నుల నెగయంగ - మిహిరు గ్రహింప
నన్నిట నేర్పరు - లావనేచరులు
వాలిని సుగ్రీవు - వాలితనూజు
గాలిపట్టిని తారు - గంధమాదనుని1670
నలుని సుషేణు మైం - ద ద్వివిదులను
కొలిచి కొండలు పనుల్ - గుహలును దరులు
సంకేతములు గాఁగ - జగమెల్ల నిండి
యంకిలి లే కద - శాసనహరణ
కారణుండగురామ - కార్యనిర్వహణ
భారకులగుచు న - ప్పగిదినున్నంత.
-: శ్రీమద్రామచంద్రావతార ఘట్టము :-
కరమర్థితోఁబుత్ర - కామేష్టియందు
పరగ వేల్పులు హవి - ర్భాగంబు లంది
యందరుఁ దమయిచ్చ - నరిగినయంత
పొంది నయోధ్య య - ప్పుడు దశరథుఁ1680
అంగరాజ్యమునకు - నబలతో ఋశ్య
శృంగుఁడు చనియె మ - హీశుండు వనుప
రాజులందరు దశ - రథుఁ డంపఁజనిరి.
