శ్రీరామాయణము
67
సేవింపనిమ్ము నీ - సీమంతినులను
భూవర! కనుము స - త్పుత్రలాభంబు
అనిన దగ్గిన లేచి - యంజలిచేసి
జననాయకుఁడు పాయ - సపుఁబళ్లెరంబు
రెండుచేతుల నంది - ప్రీతిఁ జండాంశు
చండప్రకాశవి - శాలుఁడై నిట్టి
ఘనునకు తావల - గా వచ్చి యతఁడు
కనుచాటునొంద - వేగమున దివ్యాన్న
సంపూర్ణకనకభా - జనము భారమున
వంపూగాతనకర - వారిజయుగము
చంద్రదీధితి నాక - సంబొప్పురీతి
చంద్రాననాముఖ - చంద్రరోచులును
పొలుపగు తన యంతి - పురమున కేఁగి
యలరుఁ గౌసల్య క - య్యన్నంబు సగము
నిచ్చి యున్నసగంబు - నిరువాగు చేసి
యిచ్చె సుమిత్ర కం - దేకభాగంబు
కడమయన్నము రెండు - గాఁ బంచి యొకటి
యిడియెఁ గైకేయి కి - ట్లిచ్చి శేషించు
పాయసాన్నాష్టమ - భాగంబు మఱియుఁ
జేయి చాపంగ ని - చ్చెను సుమిత్రకును.
దివ్యతేజోబలా - ధికపాయసంబు
లవ్యాహతము లింతు - లట్లు భుజించి
గర్భముల్ దాల్చినం - గని రాజమణికి
నిర్భరానందంబు - నివ్వటిలంగ
నమరావతీపురం బ - మరేంద్రుఁడేలు
క్రమమున సంతోష - కలితుఁడై యుండె.
