శ్రీరామాయణము
65
గరుణింపు కావుము - కావుము మమ్ము
నభయదాన మొసంగి - యార్తులఁ జూచి
సభయుల రక్షించి - జగతి వాలింపు
రావణకుంభక - ర్ణనిశాటవరుల
లావుచే జగము లె - ల్లను దీలుపడియె
నీచేతఁగాని య - న్నీచులం దునియ
నోచక్రి! యెవ్వరు - నోప రెయ్యెడల1570
మానిమిత్తంబుగా - మానవాకృతిని
మానితపుణ్యుఁడౌ - మనువంశనిధికి
నీదశరథునకు - హ్రీ శ్రీ సుకీర్తు
లీదేవులనమించు - నృపుని కాంతలకుఁ
బుట్టుము నాల్గురూ - పుల మాకు మాట
పట్టిమ్ము సకలభూ - భారమ్ము మాన్పు
యక్షగంధర్వవి - ద్యాధరాదులను
రక్షింపు త్రిభువన - రక్షఁ గావింపు.
నీవె ది క్కనవుడు - నిండినకరుణ
నావేలుపులపై క - టాక్షంబు నిలిపి 1580
యందఱు విన దర - హాసముఖార
విందుఁడై యపుడు గో - విందుఁ డిట్లనియె.
ఇచ్చితి వరము లిం - తేల చింతిల్ల?
వచ్చితి మిముఁ గావ - వలసి యిచ్చటికి
దశరథసుతుఁడనై - ధరణి జన్మించి
దశకంఠుఁ బుత్రమి - త్రయుతంబు గాఁగ
దునుముదు మిమ్ముఁ గా - తును విచారములు
మనముల మాని నె - మ్మదినుండుఁ డనుచు
