ఈ పుట ఆమోదించబడ్డది
63
శ్రీరామాయణము
63
వెఱతు రందఱు మమ్ము - వెఱవకు మనెడు
దొర లెందు లేరు నీ - దు పదంబులాన
కావు మ మ్మనవిని - కమలాసనుండు
దేవతలకుఁ గృపా - దృష్టి నిట్లనియె.1520
ఏగల్గియును - వెరపేఁటికి నింక?
లోఁగునే మీకుఁ ద్రి - లోకకంటకుఁడు
వరములు నాచేత - వాఁ డొందునపుడు
నరులఁ దలంపఁడు - నాసముఖమున
నందుచే నిలమాన - వావళిచేత
బొందువాఁ డపజయం - బు నిజంబు గాఁగ
మనుజులకునుఁ దర - మా! వాని గెలువ
వనమాలి మనుజుఁడై - వచ్చినఁగాక
శరణుచొత్తము పంక - జవిలోచనునకు
కరుణింప రక్షింప - గర్తయె యొకఁడు1530
ననుచు నందఱు భావ - నాయత్తులగుచు
కనుఁదామరలతోడఁ - గరములు మొగిచి
తలఁచినంత సమస్త - దాసకోటులకు
-: దేవతలప్రార్ధనమున విష్ణువు మనుష్యావతార మెత్తుట :-
సులభుఁడైనట్టి కౌ - స్తుభవిభూషణుఁడు
శ్రీమించురత్నకి - రీటంబుతోడ
చామననెమ్మేని - చందంబుతోడ
వర్ణితదరహాస - వదనంబుతోడ
కర్ణకుండలవిభా - కళికలతోడ
