52
శ్రీరామాయణము
పచ్చళ్లపెరుగును - పాలు తేనియలు
నిచ్చలుగా భుజి - యించి యాజకులు
సవనావసరముల - శాస్త్రప్రసంగ
నివహముల్ గెలుచు పూ - నికల వాదింప
నాగమనిధులు ష - డంగపారీణు
లాగమాంతార్థజ్ఞు - లైనబుుత్విజులు
నుచితాసనంబుల - నుండి యఁయ్యాగ
మచలితక్రమముతో - నాచరింపంగ1400
యిరువదియొకమూర - లెనిమిదిమూల
లిరుగేలుసోఁకఁజో - టిచ్చుమందములు
గలిగి బిల్వము లాఱు - ఖదిరంబు లాఱు
ముదురుమోదువు లాఱు - మొదలింటి దొకటి
దేవదారు వొకండు - తీర్చిన విఱుగు
చేవమ్రా నొకటి కై - చేసి యూపములు
నాటించి యూపంబు - నకు నొక్కనూత్న
సాటిగా నన్నింట – సరవిగాఁ జుట్టి
అమరసప్తర్షుల - నాకాశమట్లు
సమయూపముల యాగ - శాల శోభిల్లి 1410
తగుయాగమునకుఁ ద - త్తత్ దైవతాక
ముగ యాగపశువులు - మున్నూ రమర్చి
పక్షులు గ్రూరస - ర్పంబులమీఁద
నీక్షింప నెడమీక - యిటుకలు వఱచి
గారుడచయనంబు - గా నేర్పరించి
వేరుపడగ నశ్వ - విశసనవేళ
జలచరంబుల నెల్ల - సవరించి తెచ్చి
