49
శ్రీరామాయణము
యేసీమపటికంబు - లిట్లుండు ననుచు
గాసిల్ల వజ్రాల - కడియముల్ ద్రిప్పు
నే చెట్టులనుఁ బుట్టు - నీవల్కలంబు
లీచాయనవి వల్వ - లెగనెత్తి చూచు
మంచివె రుద్రాక్ష - మూలిక లనుచు
కాంచి నీలపుసరుల్ - కన్నులనద్దు1180
రేకమించఁగ నుత్త - రీయంబులందు
చేకమండలువు లుం - చితి రంచునవ్వు
చిగురాకులా యివి - చిదుముద మనుచు
తొగరుఁగెమ్మోవు లం - దుకగిల్లఁజూచు
నిటులున్న యమ్మౌని - నింతులలోనఁ
గుటిలకుంతలయోర్తు - గొబ్బునఁ గదిసి
రమ్మని మౌనిక - రమ్ము చేఁబట్టి
సమ్మతి నొకమ్రాని - చాటున నిలిచి
జిగిబిగిచన్నుల - చిఱుతసోఁకులను
గగురుఁదాల్పఁగ మేను - కౌఁగిట చేర్చి1190
కరయుగళంబుపైఁ - గదియించి వచ్చి
చుఱుచుఱుక్కున గోరు - సోఁకు లంటించి
చెవిచెంత నెమ్మౌము - చేర్చి మ్రాన్గన్ను
హవణింపఁ జేసి పం - చాస్త్రమంత్రములు
కలరవకలరావ - గళనాదభేద
కలనలచేత నం - గము మఱపించి
కొనగొమ్మునాఁటునో - కోమలపాణి
యనుచు చేకాచి కా - యజుని మేల్కొల్ప
