పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/352

పంచమాశ్వాసము

345

⁠

చక్కనివెండ్రుకల్ చిక్కును సవరించి         గంధపుసామ్రాణి కమ్రధూప ము నొసంగెఁ బార్వతి ముదమునఁ బీతాంబ         రము లియ్య హరి గట్టె రమణ మీఱ శ్రీసరస్వతి దెచ్చి చేతి కీయఁగ లక్ష్మి         వరరత్నభూషణావళు లమర్చె

⁠

తే.⁠

ముకుర మటుమీఁద గాయత్రి మొనసి చూపెఁ దిలకమును రతి రీతిగఁ దీర్చె నుదుట రమ్యముగ శచి వింజామరమును వీచెఁ బట్టె ఛత్రంబుఁ బవనునిపత్ని గరిమ.

⁠ 140

తే.⁠

పాదుకలు గంగ పెట్టఁగ బ్రహ్మసభకు నడచుచును వచ్చి సింహాసనంబుమీఁద నమరఁ గూర్చుండి మునిముఖ్యు లలరి చూడ బ్రహ్మనుం జూచి శ్రీహరి పల్కె నిట్లు.

⁠ 141

వ.⁠

సురజ్యేష్ఠుఁడా! యిఁక లక్ష్మీదేవికి మంగళస్నానంబు సేయ నియమింపు మనినఁ బద్మజుండు వోయి పార్వతీప్రముఖాంగ నలం బిల్చి మజ్జననికి మంగళస్నానంబు సేయింపుఁ డని వచించి లక్ష్మిని కనకపీఠికపైఁ గూర్చుండుమనిన శిరంబు వంచి విరించితో సిరి యిట్లనియె.

⁠ 142

క.⁠

వనరుహభవ నే నభ్యం గన మొల్లను మజ్జనంబు గ్రక్కున నేఁ జే తును నని వల్కఁగ నది తా విని సందియ మొంది యాదివిష్ణుం డనియెన్.

⁠ 143