ఇట్టిస్వామిపుష్కరిణితీర్థదర్శనపానంబులచేతనే స్త్రీశూద్రజనం
బులం బావనులం జేయుఁ గావున విశేషించి స్నానసంధ్యాది
నిత్యనైమిత్తక సకలకర్మకలాపంబు లాచరించు బ్రాహ్మణోత్తముల
పుణ్యం బెంతయని చెప్పనగు నిదియునుంగాక పుష్కరిణీ
స్నానంబును బరమంబగు నేకాదశీవ్రతంబును సద్గురుపాద
సేవనంబును గల్గుట దుర్లభంబు మఱియు సకలస్థావరజంగ
మంబులందు మనుజజన్మంబును బుష్కరిణీస్థలస్నానంబును వేంక
టాద్రియందు జీవించుచుండుటయు నత్యంతయతిశయదాయ
కంబు, గావున వేంకటాచలమాహాత్మ్యంబును బుష్కరిణీ
ప్రభావంబును వచింప నాచతుర్ముఖునికైన నశక్యంబు తత్ప్ర
భావంబులు సంక్షేపంబుగఁ జెప్పితి నింక నొక్కయితిహాసంబు
సెప్పెద నాలకింపుఁడని మునులకు సూతుం డిట్లనియె.
