పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/176

తృతీయాశ్వాసము

169

⁠

వాదములను నీనాల్గింటివలన రాజయోగం బొప్పు. నందు సాంఖ్యతారకామసస్కము లనం ద్రివిధంబులు. నందు సాంఖ్య యోగంబును వివరింతు.

⁠ 125

సీ.⁠

పంచతన్మాత్రలు పంచభూతంబులు         పంచీకృతంబులై పరఁగుచుండు సకలేంద్రియంబులు సర్వవిషయజాల         ములు గుణత్రయకామముఖవికార ములుగాను దనువులు మూఁడునుగా నవ         స్థలుగాను దగనన్నుఁ దలఁచి యెఱుఁగు నటువంటియెఱుక నేనని నిశ్చయించి వి         క్షేపావరణములఁ జిదిమివైచి

⁠

తే.⁠

తాను దనలోనఁ దనుదాను దఱచితఱచి యన్నిటకు మీఁద శేషించి యచలవృత్తి నుండుటది సాంఖ్యయోగమై యొప్పుచుండు గురుముఖంబున నీయోగ మఱయవలయు.

⁠ 126

వ.⁠

ఇఁకఁ దారకంబనునది యెఱింగింతు వినుము.

⁠ 127

క.⁠

అఱగన్నులతో నైనను మురువుగ నొగి రెండుకనులు మూసియు నైనన్ బరమాత్మను లోఁజూపున గుఱిగా నీక్షింపవచ్చు గురుభక్తుండై.

⁠ 128

తే.⁠

చంద్రసూర్యాంతరములందు సహజముగను వెలుఁగుతారకములయందు విమలబిందు వమరఁ గూర్పఁగ నది తారకాఖ్యయోగ మై ప్రకాశించు లక్ష్యత్రయంబు నగుచు.

⁠ 129