పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/109

102

శ్రీవేంకటాచలమాహాత్మ్యము

⁠

యట్టుల సేయుమటంచుఁ జెప్పఁగ నజుం         డంత మౌనుల నమరాది దేవ

⁠

తే.⁠

బృందములఁ గూడి యప్డు గిరీంద్రమందు విశ్వకర్మను రావించి వివిధచిత్ర వీథులం దేజరిల్లగ వేడ్కఁ బురము సరవి నిర్మింపుమనఁగ నాశ్చర్యమొంది.

⁠ 104

చ.⁠

అనఘుఁడు విశ్వకర్మ విపులాద్భుతచిత్రవిచిత్రరీతులన్ బెనుపుగఁ దప్తహేమపుటభేదనముల్ రచియించి పిమ్మటన్ ఘనతరమేరుతుల్యముగఁ గాంచనరత్నరథంబు దీర్చి యి చ్చినఁగని బద్మజుండు నిజచిత్తమునందు ముదంబునొందుచున్.

⁠ 105

క.⁠

ఘనుఁడగు విఖనసుఁ డనుమునిఁ గనుఁగొని వైఖానసప్రకారససూత్రం బును విడక తగిన లగ్నం బును గనుమని సంతసంబు పొంపిరివోవన్.

⁠ 106

బ్రహ్మోత్సవము

సీ.⁠

అజుఁ డప్డు వల్క నాయనఘుఁడౌ నిఖనస         ముని యిట్టు లనియె నో వనజభవుఁడ వినుము కన్యారాశి నినుఁ డుండు మాసానఁ         జిత్రతారాన నుచితముగాను శాస్త్రసమ్మతముగ శస్తముగాన నా         రోహణాదులు చేసి రూఢి మెఱయ నుత్తరాషాఢ రథోత్సవం బొనరించి         రహిఁ దీర్థవారి నాశ్రవణమందుఁ

⁠