ద్వితీయాశ్వాసము
59
క. తడయవల దనిన నే మిట
బడలినయది లేదు కాశ్యపమునీంద్రున కీ
పడతి జనించిన క్రమ మే
ర్పడ వినుపింపు మన నతఁడు భాసురఫణితిన్.99
వ. మధ్యమలోకపాలకుండవైన నీవచనంబు మాకు నలంఘనీయంబు తత్క
థాక్రమంబు యథాక్రమంబునం జెప్పెద దత్తావధానుండవై చిత్త
గింపుము.100
సీ. మునిమనోమోహనముక్తినటీనాట్య
రంగంబులగు హేమశృంగములను
గనకాబ్జకైరవకల్హారసౌరభో
ద్గారంబుగు జలాధారములును
గ్రీడారతిశ్రాంతకిన్నరీపరిచిత
స్నేహంబులగు గుహాగేహములును
గురజన్మదాలినీమంజులమంజరీ
పుంజంబులగు లతాకుంజములును
తే. నలరి పెంపొందుఁ బూర్వాపరాంబునిధుల
నడుమ ధరణికి మానదండంబువోలె
దేవతాత్మధరాధీశదిగ్విభూష
పుణ్యనిలయంబు నీహారభూధరంబు.101
ఉ. ఎంచి నుతింప శక్యమె యహీశ్వరునంతటివానికైన ర
త్నాంచితరోచిరుధ్గమనిరస్తసమస్తరవీందుజాలముం
గాంచనకందరాయవనికాయితవారిధరాంతరాళని
ర్వంచితదేవతామిథునవాంఛితమూలము శీతశైలమున్.102
గీ. భూధరములెల్లఁ దను వత్సముగ నొనర్పఁ
బృథునృపాలోపదిష్టయై ప్రియము మీఱ
నఖిలరత్నౌషధులను జన్నవిసి పిదికె
నమరశైలంబు దోగ్ధగా నవనిసురభి.103