2
శృంగారశాకుంతలము
మ్నాయవ్రాతము లూర్పు లెవ్వని[1]కి నయ్యబ్జాతగర్భుండు దీ
ర్ఘాయుష్మంతునిఁ జేయు నాగవిభు వెన్నామాత్యచూడామణిన్.3
మ. జననీస్తన్యముఁ గ్రోలుచుం జరణ[2]కంజాతంబునం గింకిణీ
స్వన మింపారగఁ దల్లిమేన మృదులస్పర్శంబుగాఁ దొండ మ
ల్లన యాడించుచుఁ జొక్కువిఘ్నపతి యుల్లాసంబుతో మంత్రి వె
న్ననికి న్మన్నన సొంపు మీఱ నొసఁగు న్భద్రంబు లెల్లప్పుడున్.4
సీ. పగడంపుఁ జిగురుజొంపము సొంపు విహసింపు
కడునొప్పుఁ గుఱుచ కెంజడలవాఁడు
విదియ చందురుతోడ వీడుజో డాడెడు
రమణీయ దంష్ట్రాంకురములవాఁడు
సీధుపానక్రీడఁ జెంగల్వ పూఁజాయ
దొంగిలించెడు కన్నుదోయివాఁడు
క్రొత్తనీలాలరంగునకు నించుక మించి
మెఱుఁగారు నల్లని[3]మేనివాఁడు
తే. పృథివి కవతంసమణి యైన బిట్రగుంట
దానకంబుగ నవతారమైనవాఁడు
భైరవస్వామి సకలసంపదల నొసఁగి
మనుచుఁ జిల్లర వెన్నయామాత్యవరుని.5
ఉ. మెచ్చగు విచ్చు దమ్మిపువు మేడలలోన నిధానదేవత
ల్వచ్చి కటాక్షసంజ్ఞకుఁ గెలంకులఁ గొల్వఁగ నోలగంబు సొం
పచ్చుగనుండు చంద్రముఖి యాదిమలక్ష్మి వసించుఁ గావుత
న్మచ్చిగ వెన్నయప్రభుని మందిరరాజమునందు నిచ్చలున్.6
మ. పొసఁగ న్నేఁ గృతిఁ జెప్పఁగాఁ బరిమళంబు ల్చాల కొక్కొక్కచోఁ
గొస రొక్కించుక గల్గెనేనియును సంకోచంబు గాకుండ నా