ఈ పుట అచ్చుదిద్దబడ్డది
శ్రీరస్తు
శుకసప్తతి
చతుర్థాశ్వాసము
క. ................................. 1
తే. అవధరింపుము సకలరాజాధిరాజ
నతపదాంభోజుఁ డగు ధర్మనందనునకు
సరసవైదికలౌకికాచారవిహిత
హితకథారమ్యుఁ డగుధౌమ్యుఁ డిట్టులనియె. 2
తే. అవధరింపుము విక్రమార్కావనీంద్ర!
చిన్ననాఁ డేను మున్ను కాళీపురస్థ
లావలోకనకాంక్షచే నరిగి యరిగి
జంబుకేశ్వర మనుపట్టనంబుఁ జేరి. 3
తొమ్మిదవ యుపకథ
తే. కంటి పాంథజనాహ్వానకారిమృదుల
వాతపోతచలత్పటకేతనాంక
మై మదీయశ్రమచ్ఛిదాహారి యగుచు
నలరు నొకవంటకూలి యొయ్యారియిల్లు. 4