ఈ పుట అచ్చుదిద్దబడ్డది
230 శుకసప్తతి
[1]
తే. అందుఁ దనరారు వీరాఖ్యుఁడైన యొక్క
రౌతు వానికి దోసిటిప్రాలముద్దు
గుమ్మ మదవతి యన నొక్కకొమ్మఁ గలదు
కమ్మపూవులరెమ్మ బంగారుబొమ్మ. 503
క. ఆలలన నాయకుని యుప
లాలనమునఁ దనివిలేక లలితాకారా
- ↑ తే. వారలంతట నలకంచి వరదరాజు
గరుడసేవ నిరీక్షింప నరిగి పోపు
పరుసవెంబడి జని యన్యభామినీవి
లోకనాపేక్ష నెమ్మదిలోన హెచ్చ.
సీ. వృద్ధవేశ్యతనూజవిటుఁదిట్టుమాటల
వెలపువ్వుఁబోండ్ల నవ్వించుకొనుచు
నత్తకోడండ్ర కాట్లాటమాటలు
గులస్త్రీలసిబ్బితిచూసి చెప్పికొనుచు
వరునిలో నిల్లాలు ప్రతిరాత్రి యాడుమా
టలఁ గులాంగన గుట్టు కలఁచికొనుచుఁ
గొట్లకే గొణిగెడు గుందనిమాటల
కొమిర బానిసెగుంపుఁ గూర్చుకొనుచుఁ
తే. గోడెకాండ్రెల్లఁ గూడిరాఁ గొంతతడవు
కథలు మఱికొంతతడవు శృంగారవతుల
చిత్తము లెఱుంగు నేర్పులుఁ జెప్పికొనుచు
నరుగుచోఁ ద్రోవఁగడపి రయ్యవనిసురులు.
తే. పరుసడిగ్గినచోఁ దమవంతువగల
కాసపడి చూచు కొమిరయిల్లాండ్రచెంత
నగుచు నన్నేల వేల్పు లన్నంబు వార్చి
కొండ్రు వారలు వండినకూర లిడఁగ. (పాఠాం)