పుట:శివరాత్రి మాహాత్మ్యము.pdf/85

చతుర్థాశ్వాసము

ఇష్టదేవతాప్రార్థనాదికము

క.⁠

శ్రీతరుణీ[1]సితవిలసన- జాతశివానూనభక్తిసంపద్గురు వి- ఖ్యాత[2]నుతకీర్తి సితజీ- మూత[3]సితాఖిలదిగంత ముమ్మయశాంతా.

⁠ 1

ఆ.⁠

అక్కథకుఁడు శౌనకాదులైన మహాము- నీంద్రులకుఁ బ్రియమున నిట్టులనియె నట్లు భూమి విడిచి యరుగవలయు నింక ననుచు మాటలాడు నవసరమున.

⁠ 2

క.⁠

తెలతెలవాఱుచు వచ్చెం బలపలనయ్యెం బయోదపథమునఁ దారల్ [4]కలవింకంబుల కోమల- కలకలములు చెలఁగెఁ [5]గాళికావిపినమునన్.

⁠ 3

సీ.⁠

సంభోగపరిఖిన్నశబరసీమంతినీ-           స్వేదవార్బిందువిచ్ఛేదకారి విఘటమానాంభోజవిపినషండమధూళి-           పరిమళాసారసంపర్కసురభి సమదకాంతారకాసరయూథ[6]రోమంథ-           సంభూతడిండీరశకలవాహి లలితలుంగలవంగలవలీమతల్లికా-           లాస్యోపదేశలీలాగురుండు

⁠

గీ.⁠

యామినీశేషతుహినధారానుషంగ జడిమభరమంద [7]సంచారచతురశాలి యల్లనల్లనఁ [8]బొలుపారె నడవిలోనఁ గాల్యసంధ్యాసుగంధుండు గంధవహుఁడు.

⁠ 4

ఉ.⁠

క్షోణిరుహాగ్రభాగముల జోకలుగట్టి వనీశిఖావళ- శ్రేణులు తాండవంబు లొనరింపఁగ మంద్రగభీరభంగి శ- ర్వాణిగృహంబులోని బలివైభవలీలకు మ్రోసెఁ గంచుని- స్సాణము మాటిమాటి కనుశబ్దము లీనఁగ గోపురంబు[9]నన్.

⁠ 5

శా.⁠

నిష్ఠాసంపద నర్ఘ్యపాణు లగుచున్ విప్రుల్ ప్రశంసింప మం- జిష్ఠారాగము లంబకంబున నధిష్ఠింపన్ నిలింపాద్రిభూ- కాష్ఠామధ్యమునందుఁ దోఁచెను శతాంగప్రష్ఠసర్పద్విష-

⁠

1. తా. సుర
2. తా. తరకీర్తి
3. తా. శివాసిత
4. ము. కలకలవింకల కోమల
5. తా. కాళి విపినములోనన్
6. ము. సమ్మర్ద
7. ము. చతుర సంచారకారి
8. ము. బొలుపారు నడవి నడుమఁ
9. తా. లన్