పుట:శివరాత్రి మాహాత్మ్యము.pdf/20

⁠

దీపితభవ్య[1]మార్గమున దేటపడన్ మొదలింటినుండియున్.

⁠ 55

గీ.⁠

ప్రళయకాలంబు [2]తుదఁ గాళరాత్రి చనిన [3]నపరమగు సర్గమునకు బీజాంకురంబు శీతమును నుష్ణమును [4]గాక చిలుపచిలుప గంధవాహంబు [5]వీచె నిర్గంధమగుచు.

⁠ 56

సీ.⁠

మూలముట్టుగ[6]ను నున్మూలనంబును బొంది           మహిధరంబులు రూపుమాలి యుండఁ ద్రిభువనంబులుఁ జలత్తృణరాశియునుఁ బోలె           సప్తార్చిచేత భస్మంబు గాఁగఁ బుష్కలావర్తకాంభోధరంబులు వృష్టి           విశ్వప్రపంచంబు వెల్లిగొనఁగ భూర్భువస్స్వర్లోకములు మహర్లోకంబు           జనలోక మెక్కి విశ్రాంతి మెఱయ

⁠

గీ.⁠

నఖిలదిక్కులు ముంచి బ్రహ్మాండగోళ మప్పళింపుచు సప్తార్ణ(వాంబువులును) నిండికొనియుండఁగా రిత్తనింగితోడఁ గొంతకాలంబు శూన్యమై గొడ్డుపోయె.

⁠ 57

వ.⁠

అప్పుడు బ్రహ్మ నారాయణుండై శివయోగముద్రాముద్రితలోచనుం డగుచు సముద్రంబు నడుమం బవ్వళించిన.

⁠ 58

క.⁠

జనలోక మెక్కి సిద్ధులు వినుతించిరి జలధిసలిలవీచీ[7]రింఖ- ద్ఘనజాతయోగనిద్రా- వినిమీలితదీర్ఘనయను విషధరశయనున్.

⁠ 59

గీ.⁠

దేవతలు సంస్తుతించంగఁ దెల్లవాఱెఁ గల్పసంహారకాలంబు కాళరాత్రి యంత మేల్కని కూర్చుండె నాదిపురుషుఁ డాదిమబ్రహ్మ జగము సేయంగఁ దలఁచి.

⁠ 60

గీ.⁠

అభినవోన్మేషజిహ్మ మైనట్టి దృష్టి దిశలు వీక్షించెఁ ద్రిభువనాధీశ్వరుండు [8]చింతనొందె లోకంబు [9]సృజించు వెఱవు

⁠

1. ము. మార్గమును
2. తా. తుదిం
3. తా. పరమమగు స్వర్గమునకు
4. ము. గాఁగఁ
5. ము. వీఁచు
6. తా. సమున్మూలాంజనము బొంది
7. తా. రింఖో
8. ము. చింతనొంది
9. ము. సృజింప