పుట:శివతత్వసారము.pdf/145

క.⁠

పురుష ప్రతికూలత్వ స్థిరదోషము సతికి దుర్గతిం జేయదు త త్పురుషుఁ డరక్తుఁడయేనిం బురుషుని మీక్షియును శివునిఁ బూజించు నెడన్.

⁠ 233

క.⁠

అనసూయయు నాలాయని యను మునిభార్యయు నిజాధిపాతిక్రమవృ త్తిని శివునిచే నభీష్టము లనూనముగఁ దొల్లి పడసి రచలితభక్తిన్.

⁠ 234

క.⁠

స్వాభావికములు దుర్బో ధాభావము నీదు కరుణ నగు నంతకము న్నే భంగులఁ బొగడిన శివ! నీ భక్తుల మహిమ యెఱుఁగ నేర్తురె మూఢుల్.

⁠ 235

క.⁠

విసువక యిది కారణముగ నసమేక్షణు నచలభక్తి నర్పించుటతో ససదృశము లన్యధర్మము లసారములు నీని బోలవం డ్రాదిమునుల్.

⁠ 236

క.⁠

సర్వజ్ఞ! రాజశేఖర! సర్వేశ్వర! యనుచు నొక పిశాచము బొగడన్ సర్వజ్ఞ! రాజు శేఖర! సర్వేశ్వర! యనఁడు నిన్ను జడబుద్ధి శివా!

⁠ 237

క.⁠

జడమతు లల్పమ యెఱిఁగెడు నెడ వారలు శివునిమహిమ యెఱుఁగుదురె మహిన్ జడనిధి వెడల్పు లోతును కడు నెఱుఁగునె నూతిలోని కప్పలుబుద్ధిన్.

⁠ 238