పుట:విష్ణుపురాణము (కలిదిండి భావనారాయణ).pdf/36

సీ.⁠

కూడి ముప్పదిమూఁడుకోటులు దేవతా, సంఘము ల్మిగుల హెచ్చరికఁ గొలువ తాళమేళప్రాప్తిఁ దప్పక హాహాది, గంధర్వనాథు లుత్కంఠఁ బాడ చోద్యవేద్యముగ రంభాద్యప్సరోంగనా, మణులు లాస్యైకసంభ్రమము చూప జయజయజీవేతిశబ్దాయమానయై, విద్యాధరశ్రేణి వినుతి సేయ

⁠

గీ.⁠

వేలసంఖ్యకు మిగులు ముత్యాలగొడుగు, లమితచామరములు దాల్చి యమరవరులు గొలువఁ బౌలోమితో నభ్రకుంజరాధి, రూఢుఁడై వచ్చె నటకు మరుత్ప్రభుండు.

⁠ 180

వ.⁠

ఇట్లు స్వేచ్ఛాగతుండైన యాఖండలుం జూచి ప్రచండతపోమదశౌండుండగు నమ్మునిమార్తాండుండు నిజజటామండలిమండనంబైన యప్పువ్వుదండఁ దిగిచి దేవమండలేశ్వరుపై విసరివైచిన నతండును మెండుకొన్న యహంకారం బున మనఃపంకజం బశంకంబై యుండ కరాంకుశంబున నందుకొని మరంద బిందునందదిందిందిరవందిబృందసుందరగీతికారామంబైన యద్దివ్యకుసుమ దామంబు దిగిచి కైలాసశిఖరంబు జుట్టిన జాహ్నవియనం దగునట్లుగా నుద్దామ మదస్తోమాభిరామంబులగు సామజకుంభంబులం జుట్టిన బెట్టువదరు ముదురుం దుమ్మెదపదువులరొదకు చెదరి యమ్మదకలభం బుదిరిపడి వడిం గరంబునఁ దిగిచి మధుఁకరమలీమసాకారకల్యంబగు నమ్మాల్యంబు కరగనిగళనోపమాన సాక్యలంబుగా ధరణిం బడవైచి యేచిన మదాంధకారంబు ఘోరంబుగాఁ బెచ్చుపెరిగి రెచ్చి పదంబుల బెట్టుమట్టి పుట్టినకోపచాపలంబున సాటోపం బుగాఁ బుచ్చికొని విసరి వియచ్చరకోటిపై వైచి యద్దెసకుం గవిసిన కొవ్వున నార్చి దేవసంఘంబులు వెకలి పికవికలై చెదిరిపఱవ నీక్షించి సహస్రాక్షుం డక్షీణసంరంభంబునన్ గుంభమధ్యం బంకుశంబున నాన్చిన న నూనశోణితధారలు కటంబుల నుత్కటంబుగా సుదీర్ణకర్ణోపాంతకాంత విద్రుమగుళుచ్ఛఛాయాకారంబుగా జారినన్ చేరిన కోపాటోపంబు ముమ్మ రంబుగ క్రమ్మఱం బుచ్చుకొని యుచ్చైర్నాదంబున మేదిని వైచి పాదంబుల రాచి ఘీంకారంబు చేసి నిలిచిన జూచి వాచంయమీంద్రుఁడు రుద్రరోష నిస్తంద్రుండై యింద్రున కిట్లనియె.

⁠ 181

క.⁠

స్వారాజ్యపదమదాంధుడవై, రాజసమున మదీయహస్తార్పితమా లారత్న మిచ్చమెచ్చక, యీరీతిన్ బాఱవైతువే కుటిలాత్మా.

⁠ 182

ఉ.⁠

సాగిలి మ్రొక్కి దేవరప్రసాదము సుమ్మని వేడ్కతో శిరో భాగము చేర్ప కేనొసగు భవ్యరమాస్పదపుష్పదామ మీ లాగునఁ బాఱవైచితి వలక్ష్యము చేసిటుగాన సంపదా భోగము వాయు మూఁడుజగముల్ ప్రభుఁడౌ నిను గూడ వాసవా.

⁠ 183