పుట:విష్ణుపురాణము (కలిదిండి భావనారాయణ).pdf/208

క.⁠

మోహతిరేకమున సం, దేహింపక యిజ్య కొకరిఁ దెచ్చుకొనినయీ సాహసికగ్రామణి నిజ, దేహ మెడలుఁగాక తా విదేహుం డనఁగన్.

⁠ 203

చ.⁠

అనుచు శపింప మేలుకని యక్కట యేమరి నిద్ర నున్ననన్ గినిసి శపించె నాయెడల కిల్బిషమింతయుఁ జూడ లేదు గా వున మునియున్ స్వకీయతనువుం బెడబాయుత మంచుఁ బల్కి య జ్జనపతి మేనుపొ త్తెడలె సభ్యులు విస్మయవార్థిఁ దేలఁగన్.

⁠ 204

వ.⁠

నిమిశాపంబున వసిష్ఠునితేజంబును మిత్రావరుణులతేజంబునం బ్రవేశించె ఊర్వశీదర్శనంబున మిత్రావరుణులకు రేతఃపాతంబైన నందువలన వశి ష్ఠుండు దేహాంతరంబు నొందె. నిమిశరీరంబును నతిమనోహరతైలగంధాది సంస్క్రియమాణంబై క్లేదాదిదోషంబుల నొందక యుండె. అంత యజ్ఞ సమాప్తి యగుచునుండ యాగభాగంబులకు వచ్చిన దేవతలం జూచి ఋత్విజు లి ట్లనిరి.

⁠ 205

గీ.⁠

మాననీయాత్ముఁడగు యజమానునకును, వర మొనంగుఁ డటన్న దేవతలు వేఁడు మనిన నిమి వారితోడ నిట్లనియె వినయ, సంభృతత్వంబు దీపింప శ్లక్ష్ణఫణితి.

⁠ 206

సీ.⁠

కఠినకీకససముత్కరనిరంతరకీర్ణ ముల్లసద్బహుసిరావేల్లితంబు సాంద్రరోమపరీతచటులచర్మపినద్ధ, ముద్వేలమాంసనిషద్వరంబు నవవిధద్వారసంతతగళద్ధుర్గంధ, మస్రపూయక్రిమివ్యాచితంబు మూత్రపురీషసంపూర్ణకుతూప్రాయ, మామయాధిరుజాశుగాకరంబు

⁠

గీ.⁠

పాతకము దేహ మిది పాయుభాగ్య మబ్బె, నొల్ల నిఁక దానితోడును నే నుండఁగోరి నాఁడ జంతుతతులలోచనములయందు, నీవరం బిండు నాకు నభీష్టకరము.

⁠ 207

వ.⁠

అనిన దేవతలును నతఁడు కోరిన వరం బిచ్చిరి. నిమియును సకలప్రాణులలో చనంబులయందు వసించె. అదిమొదలు ప్రాణులకు న్మేషనిమేషంబులు గలిగె. అంత నరాజకభీరువులై యూజకు లపుత్రకుండగు నిమిశరీరం బరణి యందుఁ బెట్టి మథించిన నందు కుమారుండు గలిగి జననంబు కతంబున జన కుండు, మథనంబు కతంబున మిథియుఁ, దండ్రి విదేహుం డగుట కతంబున వైదే హుండు ననునామంబులఁ బరఁగె. ఆజనకునకు నుదావసుండును, నతనికి నంది వర్ధనుఁడు, నతనికి సుకేతుండు, నతనికి దేవరాతుండు, నతనికి బృహదుక్థుండు, నతనికి మహావీర్యుండు, నతనికి సుధృతి, నతనికి దృష్టకేతుండు, నతనికి హార్య శ్వుండు, నతనికి మనుండు, నతనికిఁ బ్రతికుండు, నతనికిఁ గృతరథుండు, నతనికి దేవమీఢుండు, నతనికి విబుధుండు, నతనికి మహాధృతి, యతనికిఁ గృతరాతుం డు, నతనికి మహారోముండు, నతనికి స్వర్ణరోముండు, నతనికి హ్రస్వరోముండు,

⁠