పుట:విష్ణుపురాణము (కలిదిండి భావనారాయణ).pdf/122

చ.⁠

దినమణి వాయునాడిమయతీక్ష్ణమయూఖచయంబుచే జలం బొనరగ సోమునందు నిడు నుర్వరసర్వజలంబు లీల గై కొని ఘనపంక్తిపై విడుచు కూడుక కాలమరుత్ప్రయుక్తతన్ ఘనములు భూమిపై విడుచు గర్జిలుచు న్నవవారిపూరముల్.

⁠ 144

సీ.⁠

కమలాప్తుఁ డాకాశగంగాంబుపూరముల్, తినమయూఖములఁ గైకొని పయోద తతులు సోకకయుండ ధరణిపై విడుచు త, జ్జలకణములు పయిం జలుక నరుఁడు దురితనిర్ముక్తుఁడై నరకముల్ జూడక, దివమున కేగు భూదేవవర్య మేఘసంవృతి లేక మిహిరుండు గానరా, దివినుండి పడు వారి దివ్య మనెడు

⁠

గీ.⁠

స్నాన మని యెఱుంగు సంయమివర యిది, పాపనాశనమ్ము భవ్యతరము లోకనుతము పుణ్యలోకదాయకము, పుణ్యైకలభ్య మతిరమాకరంబు.

⁠ 145

క.⁠

సరి కృత్తికరోహిణిమృగ, శిరమున రవి మొగులు లేక చెలఁగఁగ ధరపై దొరఁగిన జల మది దిక్కరి, కరగళితము గాఁగ జగము కలుషము లడఁచున్.

⁠ 146

వ.⁠

మేఘసముత్సృష్టంబగు జలంబు సకలప్రాణులకు నోషధులకు జీవనకరంబగు, అయ్యోషధులచేత శాస్త్రచక్షువులైన మానవులు యజ్ఞంబు సేయుదురు. అయ్యజ్ఞంబువలన దేవతలకు నాప్యాయనంబగు. ఇట్లు యజ్ఞంబులు, వేదం బులు, వర్ణంబులు సర్వదేవనికాయంబులు. పశ్వాదులు వృష్టిచేత నన్నసం పన్ను లగుదురు అట్టివృష్టి సూర్యునివలన నిష్పన్నయగు. అట్టిసూర్యునకు ధ్రువుం డాధారభూతుండు. ధ్రువునకు శింశుమారం బాధారంబు. శింశుమారం బునకు హృదయస్థుండై శ్రీనారాయణుం డాధారంబై సర్వభూతంబుల ధరిం చునని శ్రీపరాశరుం డిట్లనియె.

⁠ 147

క⁠

విను నాల్గువేలమీఁదట, నెనుబదియోజనములపొడ వెక్కును దిగు సూ ర్యునిరథము రెండుదిక్కుల, ననయము నిది వత్సరగతి హరిదశ్వునకున్.

⁠ 148

వ.⁠

దేవర్షిగంధర్వాప్సరోగ్రామణిసర్పరాక్షసులచేత నాదిత్యుండు సతతాధి స్థితుండై యుండు. అది యెట్లనిన ధాతియను దేవతయు కృతస్ధలయను నప్స రయుఁ బులస్త్యుండను ఋషియు వాసుకియను సర్పంబున, రథకృత్తమ గ్రామణియు హేతియను రక్కనుండును తుంబురుండను గంధర్వుండును నీయేడ్వురును చైత్రమాసంబున సూర్యునిరథంబున వసియింతురు. అర్యముం డను దేవతయు పులహుండను ఋషియు ధౌజుండను సర్పంబును పుంజికస్థల యనునచ్చరయు ప్రహేతియను రక్కసుండును రథనిరుండను గ్రామణియు నారదుండను గంధర్వుండును నీయేడ్వురు వైశాఖమాసంబున సూర్యునిరథంబు పై వసియింతురు. అరుణుండను దేవతయు వసిష్ఠుండను ఋషియు నాగాఖ్యం

⁠