చతుర్థాశ్వాసము
169
స్థితిభోగేచ్ఛ దొరంగి యత్నమునఁ బ్రీతిన్ వీని సేవించి సం
తతసౌఖ్యోదయ మైనచిన్మయమహాతత్త్వంబునం బొందుమా.296
క. ఈ మూఁడు నభ్యసింపని
యా మూఢుఁడు జన్మశతసహస్రంబులకున్,
భూమీశ్వర, యచ్యుతపర
మామృతపద మెవ్విధమున నందఁడు సుమ్మీ.297
క. క్రమకాలంబున నీ త్రిత
యము నబ్బిన ముక్తిఫలద మగు; నొక టొకటే
సమకొన సంకల్పితమం
త్రములుగ నత్యుచ్చసిద్ధిదము లగుఁ దలఁపన్.298
గీ. అనఘ యీమూఁడు గూడ నభ్యస్త మైనఁ
గలుషతర మగుమానసగ్రంధు లెల్ల
దొడవు దెగ దాన నూలును దునియునట్ల
తివిరి నిశ్శంక నన్నియుఁ ద్రెస్సిపోవు.299
క. చన భావనావిరతి సం
గనివర్తనములను దనదుకాయ మసత్యం
బని తెలిసిన, వాసనలను
మునుకొని యది యణఁప జిత్తమును నణఁగుఁ జుమీ.300
సీ. సకలార్థవితతకి సంగంబు హేతువు,
సంగంబు నిలయంబు సంసృతికిని,
సంగంబు మూల మాశాలతావలికిని,
సంగంబె యాపద్దశలకు నెలవు,
సంగవర్జనమె మోక్షము, సంగవిరతిని
జన్మనాశం బగు జనవరేణ్య,
కలిమిలేములు రెండు కడు దుఃఖ మొనరించు