పుట:రుక్మాంగదచరిత్రము (ప్రౌఢకవి మల్లన).pdf/2

శ్రీరస్తు

రుక్మాంగదచరిత్రము

పీఠిక

ఉ.⁠

శ్రీమయపత్త్రముల్ జ[1]డయుఁ జెల్వగు నభ్రతరంగిణీకణ స్తోమము పుష్పముల్ ఫలము సోముఁడునై పొలు[2]పొంది పార్వతీ కోమలదేహవల్లిఁ బెనఁగొన్న సమంచితదక్షవాటికా భీమయదేవకల్పక మభీష్టఫలంబులు మాకు నీవుతన్.

⁠ 1

చ.⁠

కలశపయోధికన్య మృదుగండమరీచులనీడఁ జూచుచున్ దిలకము కమ్మకస్తురిఁ బ్రదీప్తముగాఁ గొనగోట దిద్దు ను త్పలదళమేచకద్యుతికదంబశరీరుఁడు మాధవుండు ని చ్చలుఁ గరుణాకటాక్షముల సన్మతితో మముఁ [3]జూచుఁ గావుతన్.

⁠ 2

చ.⁠

శ్రుతులు పురాణముల్ మునులు సోమదినేశులు సర్వదేవతా తతులును జేరి కొల్వఁ బ్రమదంబున భారతి[4]తోడఁ గూడి సం తతమును లోకసృష్టి విదితంబుగ సంభవ మొందఁజేయు [5]వా క్పతి పరమేష్ఠి మాకుఁ గలకాల మభీష్టము లిచ్చుఁ గావుతన్.

⁠ 3

1. డలు
2. పొందు; పొందఁ
3. బ్రోచుఁ
4. దేవితోడ
5. నాకృతి