పుట:రాధామాధవము.pdf/54

శ్రీరస్తు

శ్రీ రాధామాధవము

ప్రథమాశ్వాసము

⁠

శ్రీలావణ్యరసాధిదేవతలు నాఁ జెన్నొందు రాధాదిగో పాలస్త్రీలఁ బదాఱువేల వివిధప్రాయంబులం గూడి బృం దాలీలావనకేళి సల్పుతరుణీతత్త్వజ్ఞుఁ గందర్పగో పాలస్వామి మదీయచిత్తవికచాబ్జస్థాయిఁ గావించెదన్.

⁠ 1

చ.⁠

పసగల నీకుచద్వయము పాటిగఁజేయ మదీయకుంభముల్ [1]మసలెడు నన్నమాడ్కి మదమత్త[2]మధువ్రతఝంకృతిస్తుతుల్ పొసఁగఁగ డాసి మత్తకరిపోతము లభ్రనదీజలంబులం బసిఁడిగలంతులం[3] దిడఁ గృపంగొని మెచ్చుసిరిం దలంచెదన్.

⁠ 2

ఉ.⁠

కైకొని మేల్మిమై నగజఁ గౌఁగిటఁ జేర్చినఁ దక్కుచద్వయీ కోకయుగంబునన్ దనరు కుంకుమరాగము మేన నెల్లెడన్ సోఁకి నవోదయార్కురుచిసొంపున నొప్పెడికల్పకంబులా గై కనుపట్టుశంకరుఁ డనర్గళసంపద మాకు నీవుతన్.

⁠ 3

1. ససలఁగ అని మూలము.
2. సక్త అని మూలము.
3. గలంతులందు = గలంతులతో అందు = తో అనుటకు చూ. దశకుమారచరిత్ర, నన్నెచోడకుమారసంభవము. 2 స్వాగతవృత్తము.