| సీ. |
జవ్వాది పదనిచ్చి చందురా దువ్వెన
దువ్వి పాపిటఁదీర్చి తురుముఁ జేర్చి
ముడిపూలు జుట్టి కెంపులబొట్టు సవరించి
చెవుల ముత్తెపుపువ్వు లవణుపరచి
తళుకు వజ్రపుడాలు బెళుకుకమ్మ లమర్చి
యరిది నీలంపుముక్కెర ఘటించి
గొప్ప మేల్కటాణికుతికంటుతోఁ గూడ
జాతిపచ్చల బన్నసరము నిల్పి
|
|
| గీ. |
సందెదండల దండఁబొంజాతిమొగ్గ
లుంచి చెంగావినెరుకపై వాంచికూర్చి
యంఘ్రి కటకంబు రవ మట్టియలును బెట్టి
సఖులు దెచ్చిరి సతిఁ బెండ్లిచవికె కపుడు.
| 72
|
72. చందురాదువ్వెన = చంద్రకాంత మాణిక్యపు వన్నె. కమ్మలు = కర్ణపువ్వులు. ముక్కెర = అడ్డబాస. కట్టాణి = మిక్కిలి ప్రశస్తమైన. బన్నసరము = హారవిశేషము. సందెదండలు = దండకడియములు. పొంజాతిమొగ్గలు = బంగారపుజాజిమొగ్గలు. చెంగావి = ఎఱ్ఱబట్. నెరుక = గాగరా.
| సీ. |
ఆఅట మున్నె వాకిటి కరుదెంచి మదదంతి
డిగ్గి పాదములపై మొగ్గి నట్టి
రాజహంసునిఁ బట్టె నోజు మాళవభర్త
యెత్తి దీవించి కే లిగురు వట్టి
ఘనతరాభ్యంతరాగారంబునకుఁ దోడు
కొనిపోవువేళ భామిను లొసంగు
నీరాజనాద్యుపచారముల్ గైకొని
ద్వారభూముల శుభార్ణముగ నిడిన
|
|
