66. సెట్టి = నగలమ్ము కోమటి. చేతడియారదు = కొద్దికాలమయ్యె ననుట. వళుకు = వదులు. గుట్టు = ధైర్యము.
| క. |
అచ్చటి యిరువంకల మే
ల్మచ్చులపై బారుదీరు మగువల మొగముల్
నిచ్చలపు మేలుకట్లం
గ్రుచ్చిన యద్దంబులని తగుల్పడు జగముల్.
| 67
|
67. మచ్చులు = డాబాలు.
| చ. |
తమతమయింటిముందటికిఁ దామరతోరణముల్ ప్రవాళముల్
సుమములుఁ జామరోచ్చయము సోగ యరంటులఁ గట్టి నట్టెకా
గుమిఁగొని రాజుఁ జూచు లతకూనల యంగములుం బురే యనుం
బ్రమదము నొంది యారెకుల బాములఁ జెందక వైశ్యబృందముల్.
| 68
|
68. ఆరెకులు = పట్టణమును గాచువారు.
| సీ. |
పెండ్లికొడుకును నైలబిలసూనుఁడని చూచి
చిరునవ్వుతో రంభ సిగ్గు గులుక
కృతశుభ్రదంతి నీక్షించిన కంచుకుల్
మన గజంబని మహేంద్రునికిఁ దెల్ప
హల్లీసకోల్లాసి వల్లీతనులఁ గాంచి
యచ్చరలని వజ్రి మెచ్చు లొసఁగఁ
జెవిసోకఁ బాడు మానవులఁ గిన్నరులని
ధననాథుఁ డొక్కనిధాన మొసఁగ
|
|
