చ. |
కలువలతావిఁ ద్రావి బలుకప్రవనంబుల వంటి జుంటితే
నెల జడి దోఁగి గొజ్జఁగుల నీటికొలంకుల నీఁది పోకమ్రా
కుల విరిగుత్తు లత్తి చలి గుప్పిడి పుప్పొడి నప్పళించి య
య్యళి కచ సేదఁ దేర్చె నపు డందఁపు దందఁపుఁ గొండ పయ్యెరల్.
| 81
|
సీ. |
శిరము కప్రఁపుదుమ్ము మరువంపుపాదుల
కెరువాటు వైచిన యింపు సొంపు
గమ్మతేనియనీళ్ళు గట్టి పుప్పొడి మట్టి
గోడకా ల్దీర్చిన ప్రోడతనము
గందంపుగూచముల్ పొందించి కురువేళ్ళ
నలవగాఁ గట్టిన యట్టి మహిమ
పన్నిచెట్టులచుట్టు బలువట్టివేళ్ళచే
గంచెఁ గావించిన గారవంబు
|
|
గీ. |
తావి తమ్మి కెళాకూళి దండ నొప్పు
గొప్పపన్నీటికాల్వకు నుప్పరిగకు
సతుల జలసూత్ర మిడినట్టి యద్భుతంబుఁ
గాంచి రాజన్య మూర్ధన్యకన్యఁ బొగడె.
| 82
|
82. ఎరువాటు = చెట్లకుఁ జేయు దోహదము. గోడకాల్ = అడ్డుకట్టు. కూచముల్ = స్తంభములు, అలవ = దడి. కంచె = కంపనోట.
సీ. |
తాల్చునా మఱ్ఱి మాధవుని ముద్దుమఱంది
యీపొన్నమీఁదఁ గ న్నిడియె నేని
|
|