47. ఓదాలు = ఏనుఁగులఁ బట్టు గోతులు. ఒరిజ = మెడగొలుసు. లావులు = ఱెక్కయీకలు. ఎఱుకదొర = తెలివిగలరాజు.
క. |
మాయలమెకంబు నేసిన
యాయన నన్నెఱుఁగవలయు నటకాదె నరుం
డేయక మును గిటిఁ బొరిగొను
నాయకుఁ డావెన్క మీరె నన్నెఱుఁగుటకున్.
| 48
|
క. |
ఇవి పందికొమ్ము గాయము
లివి సింగపుకోరజీర లివి యేనుఁగుపో
ట్లివి పులిగోరులచెనకులు
నువుగింజకుఁ జోటిడదు తనువు గనుము నృపా.
| 49
|
49. చెనకులు = ఆక్రమణములు. (అనఁగా చీరెకలు.)
సీ. |
తనగాలి యింత సోకిన జారు దిగ్గజం
బులమోపుఁ గని శేషభోగి ములుగఁ
దనకాలిమట్లచే జనులకుఁ జొరరాని
కాంతారములు చాపకట్టు వడఁగఁ
దనప్రక్క యెరసినఁ గనకాద్రి మొదలగు
నుర్వీధరంబు లుఱ్ఱూతలూగఁ
దనదానఝరులచే వనధి బాడబహుత
భుజులకు డాకాలబొమ్మఁ గట్ట
|
|
గీ. |
గొమ్ముతాకుల కుసులకుఁ గూలమబ్బు
లదరి ఫూత్కృతి రవిమధ్య మంకె గొనఁగఁ
జిక్కుపడక చరించు నం దొక్కకరటి
చందువంగడపుందమ్మిచదలు కెడప.
| 50
|
50. మోపు = బరువు. అంకె గొనఁగన్ = కప్పుకోఁగా. కరటి = ఏనుఁగు.