| సీ. |
హరిగూరుచుండు పాదానంతసంపఁద
బెంపైన మొక్కలిపీట యనఁగ
వృత్రభేదికి వీవ నెత్తిన సూర్యపు
టంపుటిం పాలవట్టం బనంగ
కాలంబు పేరి సుంకరి యంబరంబునఁ
బొడిచినట్టి యరుణముద్ర యనఁగ
గురుకుచాకుచపాతకుంఠాంగజాంబుజా
స్త్రముల మొక్కలు దిద్దు సాన యనఁగ
|
|
| గీ. |
నుదయగిరి దుర్గమునఁ దమోభ్యుదయబలము
గూల్పఁగా నొడ్డిన ఫిరంగిగుం డనంగ
గుండుబుల్గుల మదిఁగుందు చెండు మందు
దోఁచె నెత్తమ్మివిరివిందు తూర్పునందు.
| 30
|
30. గుండుబులుగులు = చక్రవాకములు.
| క. |
వికసించు తమ్మి నుండు మ
ధుకరావళి వెడలె వెలుఁగుదొర గనఁ గాసా
రకలావమతుఁడు మును గొం
చక మ్రింగ వెడల్చు నినుపసరిపెణ మనఁగన్.
| 31
|
31. కళావంతుఁడు = గారడీఁడు. సరిపెణము = గొలుసు.
| క. |
జలజాతము నగుమొగమునఁ
జెలరేగినఁ గలువ ముణిఁగె సిరిగల వాడల్
విలసిల్లిన దినగండం
బులఁ బొరలెడువారు మొగము ముడుచుట యరుదే.
| 32
|
32. వాడల్ = తనయింటికి దగ్గరయిండ్లు.
