పుట:రాజగోపాలవిలాసము (చెంగల్వ కాళయ).pdf/170

శ్రీరస్తు

శ్రీరాజగోపాలవిలాసము

చతుర్థాశ్వాసము

⁠

శ్రీపదనిజపదసేవక నేపాళక్షితిప శత్రునిగ్రహ జాగ్రత్ ద్వీపాంతరశుభవిభవ ప్రాపకజయహారి! విజయరాఘవశౌరీ!

⁠ 1

గీ.⁠

అవధరింపుము సూతసంయమివరుండు శౌనకునితోడ నిట్లను శౌరి యట్లు వెలయ జాంబవతీమిత్రవిందలను సు దంతఁ దేలించి కాంతలఁ దలఁచి మఱియు.

⁠ 2

ప్రోషితభర్తృక - కాళింది

సీ.⁠

పార్శ్వభాగాభోగపరిలక్ష్యమౌక్తిక                  ప్రభలు చామరముల రహివహింప పరిసరపరిచరాంచద్భర్మపాలిక                  లుడిగంపుచెలువల యొఱపు నెఱప కనకపంజరకీరకలితగీరచనలు                  సాహోనినాదమ్ము సవదరింప దివ్యమణిగణదివ్యద్విభాశ్రేణి                  కరదీపకలికలకరణిఁ దనర

⁠

గీ.⁠

గుంభితమయూఖ ఘనశాతకుంభకుంభ భానునిర్యత్న నిర్యత్రభానుభావ మనఁగ పీతాంబరద్యుతు లమరనుండి రాజగోపాలుఁ డొకసౌధరాజమందు.

⁠ 3