పుట:రాజగోపాలవిలాసము (చెంగల్వ కాళయ).pdf/156

శ్రీరాజగోపాలవిలాసము

71

ఉ.⁠

లోలత నీవు నామనసులోపల నెప్పుడు సంచరించఁగా నాలిజనంబు నిన్నుఁ దమి నచ్చట నచ్చట నుండి వచ్చె నీ వేళకునంచుఁ బల్కు నవివేకపుమాటకుఁ గోప మేఁటికిన్? దాళుము సర్వలోకవిదితంబులుగా భవచ్చరిత్రముల్.

⁠ 33

మ.⁠

కలయం జెక్కుల ఘర్మవారికణముల్ గ్రమ్మంగ నొయ్యారపుం దళుకు న్నిద్దపుమేనిపై చిటులుగంధం బందమై మించ నూ ర్పులనెత్తావికి గండుతుమ్మెదలు గుంపుల్ గూడి వెన్నాడఁగా భళిరా! వచ్చితి వీవు వేగ, రమణీపాంచాల! నాపై దయన్.

⁠ 34

మ.⁠

నటనల్ జూపెడి యూర్పుదావులు, నలంతల్ చూపు వాల్ చూపులున్ చిటిలుంగుంకుమ క్రొత్తలేఁజెమటయున్ శీర్నాలకశ్రేణియున్ నిటలాలక్ష్యవిశేషకంబుగల యా నీలాలకంబాసి యు త్కటమోహంబునఁ జేరవచ్చితివి వేగన్ నీవు నాపై దయన్.

⁠ 35

సీ.⁠

కులుకుగుబ్బల సోఁకు కుంకుమరేఖల                  మైపూఁతచేతను మాటి నపుడె గళమునఁ గనుపించు నెలవంకగోరులం                  గంటసరంబుచేఁ గప్పి నపుడె జడవ్రేటు మరుపడఁ గడవన్నెబంగారు                  వలిపెదుప్పటి వల్లె వైచి నపుడె సందిదండలు యొత్తు జాడల బాహాంగ                  దముల పూనికచేత దాఁచి నపుడె

⁠

గీ.⁠

నేరుపరి వౌదు వన్నింట నీవె జగతి ముదురుచందురుఁగావి కెమ్మోవిమీఁద నాఁటనొత్తిన పలుగంటి మాటుపట్ల మఱపువచ్చిన నది నేరమా? తలంప.

⁠ 36