పుట:రాజగోపాలవిలాసము (చెంగల్వ కాళయ).pdf/105

20

శ్రీరాజగోపాలవిలాసము

గీ.⁠

విడిచిపాఱుట కాన్క గావించి రనుచుఁ గాచి విడిచెను పాడిల గాకమున్న నచ్యుతేంద్రుని రఘునాథు నని నెదిర్చి జీవములతోడ తమకోట చేరఁగలరె?

⁠ 52

సీ.⁠

కపురంపుతావులు ఘమ్మనఁ బుక్కిటి                  వీడెంబు లోకయింత వెలికిఁ గ్రమ్మ సొగసుగాఁ జుట్టిన సిగబొందులను బొందు                  పఱచిన యరవిరిసరులు జాఱ నందంబులౌ కొమ్ముగందంబు పట్టెలు                  బిగిదప్పి యెడనెడఁ బేటులెత్త వలివాటు వైచిన తెలిసాలు దుప్పటి                  చెఱఁగులు నెఱదప్పి చెదఱియుండ

⁠

గీ.⁠

నచ్యుతేంద్రుని రఘునాథు నని నెదిర్చి పోటుగంటున నెత్తుటఁ బొరలుదొరలు విజయలక్ష్ములు తముఁ బాయు విహమునను చిగురుఁబాన్పునఁ బొరలెడు చెల్లు గనిరి.

⁠ 53

స్ర.⁠

ధట్టించెన్ వైరిధాత్రీధవులను రఘునాథక్షమాజాని హాళిన్ మెట్టించెన్ పాళియంబుల్ మెఱసి నరవరుల్ మెచ్చఁగా హెచ్చుధాటిన్ కట్టించెన్ సహ్యకన్యన్ కఠినరిపుశిరఃకాయపాషాణపంక్తిన్ పట్టించెన్ ధర్మదారల్ ప్రతిభటసుభటప్రాణరక్షాపరుండై.

⁠ 54