ప్ర థ మా శ్వా స ము.
31
సఫలతుర్యోదయాంశత గ్రహించుటఁజేసి
సఫలతుర్యోదయాంశత గ్రహించి
అమరసింధువు తోడుగా నలరి మనుట
నమరసింధుపు తోడుగా నలరి మనుచుఁ
దనరు వర్ణత్రయప్రీతిఁ గనుచు దాన
సార్ధవిఖ్యాతి నచటఁ జతుర్ధజాతి. 121
మ॥ తగు శృంగంబులఁ జిత్రగైరిక ముఖోత్కర్షంబులం గుంజర
త్వగతిం బద్మకవృత్తి గండఫలకోద్యద్వైఖరిన్ మేఘయు
క్తిగణింపంబడి యున్నతోన్నతములే కృష్ణప్రభావాప్తిచే
నగముల్ మున్నుగ వృద్ధిగాంచి నగరిన్ నాగంబులయ్యెంగడున్ 122
శా॥ ధారారీతి సమీరపంచకము పాదశ్రేణికం బట్టగా
నారాచంబులునోడి పార్శ్వముల నంటంగొల్వఁగా నాత్మవే
గారూఢింగనుఠేవ దేవమణి మాద్యత్కంఠ భూషాద్యలం
కారంబుల్ బిరుదుల్ ధరించి పురిలోఁ గన్పట్టు ఘోట్టాణముల్. 123
ఉ॥ దారున రత్నకుట్టిమశతంబులు దోప శతాంగరీతులన్
హారిమణీ శిరోగృహములందు ఫలింప విమానలీలలన్
హీరపురాలజారి చననిచ్చఁ దనంతట స్యందనస్థితిన్
దీరులుమీఱ నూరఁ దగుఁ దేరులు పేరులు సార్థకంబుగన్. 124
కం॥ తోరంబున సారంబున
బీరంబున నోడిపార చేతీడైనా
నూర నటులు సారభటులు
వీరభటులు గలరు వేనవేలకు మీఱన్. 125