తృతీయాశ్వాసము
183
సంగరహితులగువారల
సంగరహితులుగఁ గలంచెఁ జక్రధరుఁ డనిన్. 235
కం॥ మత్సరము వీడి వచ్చిన
మత్సరణి భజించువారి మన్నన గనుచున్
వత్సగతులఁ దను డాసిన
వత్సతతులఁ బ్రోచె భక్తవత్సలుఁ డంతన్. 236
గీ॥ కై కయీభర్తయగునట్టి లోకభర్త
యాజిఁ బూనిచె నమరవీరారిజయము
కైకయీభర్తయగునట్టి లోకభర్త
యాజిఁ బూన్పడె యమరవీరారి జయము. 237
కం॥ ఆ రాజీవాక్షుని దయ
నౌరా జీవావశిష్టులై నెలవులకున్
ఘోరాజిపరాజితులై
యా రాజతనూజు లరిగి రంతట నిచటన్. 238
కం॥ కేకయపతి నిజతనుజకు
శ్రీకల్యాణోత్సవమ్ముఁ జేయుటకు హరిం
దోకొని బంధులతోఁ జని
లోకోన్నతలగ్నమునను లోకంబెన్నన్. 239
కం॥ పురముసిరి మెఱయ శుభపరి
కర మాదరమున ఘటించి కరము నయమునం
బరిణయమునకగు విభవాం
కురసరణిన్ హరినిఁ బెండ్లికొడుకుం జేయన్. 240
