తృతీయాశ్వాసము
173
చోళనేపాళబంగాళరాజులు వీరు
పృథుల శేఖరరూఢిఁ బెనుచు వారు
గాంధారగజపతి గౌళరాజులు వీర
లసమాగ్రగస్ఫూర్తి నెసఁగువారు
శూరసేనసురాష్ట్రసువీరసుబల
సుప్రసిద్ధప్రభావయశోవిభూతి
సుముఖత నెసంగు రాజులు సుమ్మువీరు
వీరిఁ గనుగొనుమా శరన్నీరజాక్షి!187
కం॥ కరహాటులు మరహాటులు
మెఱయఁగఁ గాంభోజభోజమిత్రసుమిత్రుల్
మఱి కొంకణటెంకణు లన
వరుసం జంట దగుసిరులవారిం గంటే!188
కం॥ ప్రతివింద్యున్ హృతమాంద్యున్
ధృతినంద్యున్ నృపతివంద్యు దేవప్రస్త
క్షితిపతి సేనాబిందుం
దతసేనాబృందుఁ గనుము తామరసాక్షీ!189
కం॥ మాహిష్మతీపురీపతి
హైహయుఁ డవ్యయసమృద్ధి నలరారు గుణ
గ్రాహియగున్నీలాఖ్యను
దాహృతుఁ డీ భూపరమణి నరయుము రమణీ!190
కం॥ కుల్యున్ శుభగుణగణసా
కల్యుం గృతమద్ర విషయకల్యున్ ధృతనై
ర్మల్యున్ సురపతితుల్యున్
శల్యుం గను మహితహృదయశల్యుం దన్వీ!191
