తృతీయాశ్వాసము
161
గీ॥ ఆ భువనకల్పితక్రీడ నబ్జభవవి
కాసములు కేశవేశసంగతులఁ దగియె
నాభువనకల్పితక్రీడ నబ్జభవ వి
కాసములు కేశవేశసంగతులఁ దగవె.123
కం॥ జలములు గ్రహించి మించిన
జలదములనఁ గొప్పు లచటి చంచలలన వా
రళికఫలకముల నలఁదిన
హలదీనవదీప్తు లలరె నా జలకేళిన్.124
సీ॥ చికురశైవాలంబు సుకరాక్షిమీనంబు
వదనపాణిపదాంకవారిజంబు
గళశంఖ మధరకోకనదప్రభాస్పూర్తి
రదమౌక్తికము భుజారసిక బిసము
స్తనరథాంగము కటీసైకతంబు వళీత
రంగంబు నాభికా భమము రోమ
రాజిక్రమేందీవరము నూరువారీభ
కరము జానువరాటికాతలంబు
ప్రపదకమఠంబు గుల్ఫనీవారగర్భ
సురుచిరముగ నలంకార నిరతి నెఱుపు
లీల నేకిభవింపుచుఁ గేళి సలిపె
సరసుల నెసంగి పద్మినీసముదయంబు.125
కం॥ అంబరవలగ్న లంతట
నంబరములు కటి ఘటించి యట విమలవిభా
డంబరములఁ బులుగడిగిన
శంబరహరు శరములన నెసంగుచు మఱియున్.126
