ఈ పుట ఆమోదించబడ్డది
తృతీయాశ్వాసము
153
గీ॥ పల్లవస్థితి ననురాగపరత నెసఁగి
కడులతాంగుల కుసుమసాంగత్యమెనసి
మధుసమాఖ్యలోనగు జాతివిధుర నీవు
మాననేర్తువె మానినీమానహృతిని.88
కం॥ మధుకరవృతిచే సుమతతి
మధు వొనరింపుచును మఱియు మదనుననుగవౌ
మధుఁడవు పురుష శ్రేష్ఠుల
మధురోష్ఠుల మది గరంచు మతి నీకరుదే !89
కం॥ శారికమా ! కలహంసకి
శోరకమా ! పికమ! కిసలచోరకమా యో
కీరకమా! భ్రమరకమా
మీఱక మా సకియ తరమె మీరకమానన్.90
కం॥ అని చైత్రాదుల నధ్వగ
జనజైత్రుల దూఱు వారు సన్నిధి గనున
ట్లనురాగగతినిఁ దోచిన
ఘనరాగనిమగ్న యగుచుఁ గామిని యంతన్.91
కం॥ కీరమ్మునకున్ గూయిడు
శారమ్మునకుం బికోక్తి సారమ్మునకుం
గ్రూరమ్మగు మరుని శరా
సారమ్మున కలికి కలికి సైరణలేమిన్.92
కం॥ వెన్నెలచిచ్చున మారుని
క్రొన్ననగచ్చున విరాళిగొని వెలవెలనై
