తృతీయాశ్వాసము
139
గీ॥ అడుగులు పంకజాతముల కాజ్ఞలిడంజను గౌనటంటిమా
పిడికిటఁ బట్టనౌను కడుపెద్ద యురంబు మరుండు కొల్వుకై
పడయఁగవచ్చు ముచ్చటగు పాణియుగమ్ము విలోచనమ్ములా
బుడిబుడి నేగి వీనులకు బుద్ధులు సెప్పు సుమీ మురారికిన్.23
గీ॥ వాని కన్నులు సొగసుమేల్బూనుటఁ గని
వాని కన్నులు సొగసుమేల్ బూనుదు రిల
వాని చెలువంపుదొరఠీవి వరుసనాభ
వాని చెలువంపుదొరఠీవినైన మలచు.24
కం॥ సల్లపనంబును హాసల
సల్లపనము దోఁప నాప్తజనములమీదం
జల్లగఁ గరుణామృత మెదఁ
జల్లగల కటాక్షలహరి సహజము హరికిన్.25
కం॥ నుదురైతే రాజౌలే
నదురైతేరాజు భువననాథుం డౌలే
యదురాజున కెవరైనా
యెదురా యరవిందనయన! యెందుననైనన్.26
గీ॥ అక్క వైదర్భియును భల్లుకాత్మజయును
నిఘ్నపౌత్రియు మఱి తాపనియునుఁ గోస
లాత్మజయు నాగ్నజితి యఁట హరివధూటు
లతని కొకరైన సరిరా రొకందునైన.27
కం॥ ఆ బంగరయ్యతో ని
న్నో బాలామణిరొ కూర్ప నాగి భూషణమౌ
