ద్వి తీ యా శ్వా స ము
125
క. ఆ హరిణాక్షులకును మఱి
యా హరికినిఁ దనకుఁ గల్గు నతిశయవిద్యా
సాహిత్యము గానకళా
సాహిత్యము దెలుపఁదలచి చని శుక మనియెన్.245
మ. సరసస్ఫూర్తి సరస్వతీయువతికిన్ సంగీతసాహిత్యముల్
వరవక్షోజయుగంబ నాఁబఱగు విద్వద్బాలవృద్ధిక్రియా
కరసంపజ్జనకంబు లందొకటి ద్రాక్షాగుచ్ఛమాధుర్యవై
ఖరి వేఱొక్కటి నారికేళఫలపాకవ్యాప్తిసౌఖ్యం బిడున్.246
క. శిశువులకుం బశువులకున్
వశమై సొక్కించు గానవైఖరి మధురా
తిశయము సాహిత్యరుచిన్
భృశగతి సర్వజ్ఞుఁడైన నెఱుఁగంగలఁడే!247
మ. సరసాలంకృతిబోధ సేకుఱుఁ గళాచాతుర్యముల్ దోచు వా
క్యరసజ్ఞత్వము గల్గు భావగతి నాహ్లాదం బిడుం జిత్రవై
ఖరి కావ్యంబు లొనర్పు నేర్పు గలుగుం గల్పించు రాజప్రియం
బిరవై దుర్వ్యసనం బడంచు భువి సాహిత్యంబు సామాన్యమే.248
క. ఆ సాహిత్యశ్రీకన్
భాసురకవితావిలాసపాండిత్యము ను
ల్లాసింప సువర్ణమునకు
నా సౌరభ మెనసినట్టులగు నని మఱియున్.249
ఉ. తనరన్ వ్యాకరణజ్ఞుఁ దండ్రి యనుచుం దర్కజ్ఞుఁనిం భ్రాతయం
చును మీమాంసకుని న్నపుంసకుఁ డటంచున్వీడి దూరంబునం
