ద్వి తీ యా శ్వా స ము
113
దేవరవారికిఁ దెలియఁగ
శ్రీవర! మావారివిధముఁ జెప్పెద వినుమీ!186
సీ. వెలలేని మీ గుణంబులు ననంతావృత్తి
వేనోళ్ళఁ గొనియాడు వెలఁదితండ్రి
దలఁచు మిమ్మన్న నిర్మలహర్షపాకాప్తి
మీ మేనయత్త యా మెలఁతతల్లి
శివయుక్తి మీ సూక్తి శిరసావహించుఁ దా
నతిభక్తిఁ బద్మాస్యయగ్రజన్ముఁ
డెపుడు దేవునిఁగాఁ నెంతు రాత్మల మిమ్ముఁ
బ్రమదంబుతో దేవి బంధుజనులు
సేరి మీ సేమమేమైనఁ జెప్పఁ బ్రేమ
వారి కన్నులు గప్పు నవ్వారిజాక్షి
గాన మీకు మా వనితపైఁ గరుణ యున్న
సులభమగు వెంటనే వివాహకలన దేవ !187
గీ. ఇంతయును విన్నవించితే నింతమీఁద
వారి భాగ్యంబు దేవరవారి చిత్త
మెక్కువలు దెల్ప మీకు నేనెంత సుమ్ము
సర్వలోకైక భావజ్ఞ! సార్వభౌమ!188
క. అనుచు సుధామధురోక్తుల
వినిచినఁ జపలాంగి రూపవిభవం బెల్లన్
విని వివశు డగుచు యదుపతి
తనలోపల వలపుసొలపుఁ దలకొని కూర్మిన్.189
సీ. అంత దచ్చిరసూక్తికాంతాభిరుచిగురు
శ్రవణంబుననుఁ జాల సంభ్రమించి
