88
ముకుందవిలాసము
చ. ఒనరుముఖంబునన్ శశిసహోదరభావము దెల్పఁ బాణులన్
వనరుహలక్ష్మిఁ దెల్పఁ జెలువంపు వచోరచనన్ సుధానువ
ర్తన జననంబుఁ దెల్పఁ గని తద్రమణీమణి యిందిరాంశ జే
యని మది నిశ్చయించితి సుమా కుసుమాయుధజన్మకారణా.70
వ. అంత నయ్యింతి ప్రతిదినప్రవర్ధమానయై 71
సీ. తిలకించి తల్లిదండ్రుల నేమి సూచునో
తలయెత్తి చూడదన్యుల నెవరిని
భ్రాతతోనైన మేరకు మేరయే కాని
లాలించినా పెక్కు పేలదెపుడు
బంధులఁగన్న మున్పడఁ బ్రియోక్తియ కాని
తమకైన కలిమి గర్వమనలేదు
చెలి తోడరాకున్న నిలిచి పిల్చుటె కాని
మఱచైనఁ బల్లంతమాట యనదు
నవ్వు నాతోడనైన మందస్మితంబె
కాని ప్రహసించు టేవేళనైనఁ గాన
నాటప్రాయంబునాఁడె యయ్యంబుజాక్షి
తద్గుణంబులు వర్ణింపఁ దరమె కృష్ణ!72
కం. ఈ లీల సకలగుణముల
పాలికయగు నా తృతీయవరదినశశిబిం
బాళిక బాలిక కేళిం
బాళికలిమి కెదుగఁదగిన ప్రాయం బనుచున్.73
గీ. ఏను తిర్యక్కులీన విద్యానిరూఢ
నగుట శుద్దాంతమున కేగ నర్హ మనుచు