78
ముకుందవిలాసము
సీ. ఆపునరావృత్తి నిత్యానంద కందమై
చను సితద్వీపంబు జననసీమ
యశ్రాంత సత్యవ్రతాశ్రమస్థానమౌ
మేరుశృంగంబు విహారభూమి
సుకృతిగమ్యము విరించికులాంగనాపాణి
పంకజాతవరంబు టెంకిపట్టు
చిరజరామరణవర్ణితమైన మందార
ఫలరసామృతధార పారణంబు
పంకజాక్షపితామహ శంకరాల
యాదికంబులు గమనయోగ్యస్థలములు
సహచరులు దివ్యమౌనులు సహజగోష్ఠి
హరికథావళి మాకు లోకైకనాథ!23
కం. ఏకదినంబ చతుర్దశ
లోకంబులు దిరిగి సత్యలోకము జేరం
బ్రాఁకుదు నాలోకింపని
లోకంబులు లేవు నాకు లోకాధీశా!24
సీ. ఒకవేళ నుర్విపై నుండి చివ్వునఁ బ్రాఁకి
తారకాలోకంబుఁ జేరఁ జనుదు
నొకవేళ వాయుమార్గోపాత్తవృత్తి నై
సూర్యచంద్రులజాడఁ జొచ్చి పోదు
నొకవేళఁ గాలచక్రోపరిస్థలినుండి
చక్రవాళముఁ జుట్టి సంచరింతు
నొకవేళ నవలీల నుదయశైల శిఖాగ్ర
ముననుండి యస్తాగమున వసింతు