ఈ పుట ఆమోదించబడ్డది
ముకుందవిలాసము
ద్వితీయాశ్వాసము
కం.శ్రీముష్టిపల్లి సోమ
క్ష్మామండలనాథ హృదయసారసవర్తీ
శ్రీమయగద్వాలపుర
క్షేమంకరకీర్తి చెన్నకేశవమూర్తీ !
గీ. అవధరింపుము హరికథాశ్రవణ విభవ
లోలుఁడగునట్టి జనక భూపాలునకును
శ్రీహరి స్తవనామృత శ్రీవిశేష
హితరచనయోగి శుకయోగి యిట్టులనియె.
కం. ఈ చందంబున నవ్వన
వైచిత్రిం గనుచు యాదవ ప్రభు వొకచో
లోచనచకోరసమ్మద
సూచనమగు నిందుకాంతసుందర వేదిన్.
చ. సుకృతరసోదయాధిగతసుస్థిర దివ్యఫలాతివేలమున్
సుకరమరుత్కిశోరపరిశోభితకేళి సుధాలవాలముం
బ్రకటితభూరిశైలవన భాసితశీలమునై విశాలమౌ
నొక సురపాలముం గని యదూత్తముఁ డత్తరురాజశాఖికన్.
