ఈ పుట ఆమోదించబడ్డది
“కాటి కొక కాలు సాఁచియు కాపువాఁడు
ఉట్టికట్టుక కలకాల మూఁగులాడ
నెంచెఁ గాఁబోలు, లేకున్న నిట్టిపనికిఁ
బూని కాలంబు రిత్తఁగాఁ బుచ్చ నేల ! "
నృపునిమాటల నాలించి వృద్ధుఁడనియె:
"చెట్లఫలముల తిన నపేక్షించి కాదు,
మున్ను మనపెద్ద లందఱు చన్నరీతి
ఆచరించితి నంతియె అవనినాధ !
"వారు నాఁటిన వృక్షముల్ ఫలము లీన,
అనుభవించుట లేదొకో మనము నేడు !
అట్లె, మన మిప్డు నాఁటిన చెట్ల ఫలము
లనుభవింతురు గద ! మనతనయు లవల. "
అంత నా రాజు ముసలివాఁ డాడినట్టి
పలుకులకు నాత్మ నెంతయు ప్రమద మంది ,
గౌరవము మీఱ నాతని గారవించె
ఏడుబంగారుకాసుల నెలమి నొసఁగి.
17
