ముక్తపదగ్రస్త సింహావలోకన కందపద్యము
| క. |
ధీ రాజిలఁ జనవీరా
వీరాయితకేళి నిన్ను వెలకు గొనేరా
నేరాల కేమి రారా
రారాపులు మాని విజయరాఘవధీరా!
| 16
|
| క. |
అని పలికి తెలిసి మఱియును
ఘనముగ నెమ్మనమునందుఁ గాఁకలు [1]హెచ్చన్
వనజేక్షణ భ్రమ నొందుచు
నెనయఁగ నిట్లనియె మగుడ నింతులు వినఁగన్.
| 17
|
| సీ. |
శృంగారముల మించు చెలువైన కాంతు నే
నెన్నఁడు జూతునే! యింతులార!
తేనెలు [2]గ్రమ్మెడు తేఁటైన కెమ్మోవి
యాన నెప్పుడు గల్గు? నతివలార!
మెఱుఁగుటద్దమ్ముల మీరు చెక్కుల గోర
జీరుట యెన్నఁడో? చెలువలార!
సొగసైన తొడలపై సొంపుగాఁ గూర్చుండి
మాటాడు టెన్నఁడో? మగువలార!
|
|
| తే. |
విరహ మగ్గల మాయెను వెలఁదులార!
తాళలే నింక మరుకాఁకఁ దరుణులార!
విజయరాఘవవిభుఁ దెచ్చి వేడ్కమీరఁ
బొందుగా నన్నుఁ గూర్పరే పొలఁతులార!
| 18
|
కాంతిమతిస్థితి నెఱింగిన సఖులలో నొకతె యగు విలాసవతి యను చెలి కారణం బడుగుట
| క. |
కాంతిమతి యిట్లు కంతుని
సంతాపముచేతఁ బలుకు సమయమునఁ గడున్
|
|
- ↑ హెచ్చెన్
- ↑ క. గమ్మెడు
