పుట:మన్నారుదాసవిలాసము (పసపులేటి రంగాజమ్మ).pdf/31

ప్రథమాశ్వాసము

13

తే. గీ.⁠

వినుము రఘునాథజననాథ! విశదముగనె యరసియున్నార మిట్టి వృత్తాంత మెల్లఁ గలుగు దనయుండు విజయరాఘవుఁ డతండు జననవేళనె మీకును జయ మొసంగు.

⁠ 58

వ.⁠

అని యానతిచ్చు నమ్మహామహునకు నతులమణిభూషణంబులు ననేక కనకాంబరంబులు రాసులుగా నొసంగి భూసురాశీర్వాదంబులు గైకొని సుఖంబున నుండునంత.

⁠ 59

చ.⁠

హితమతి యైన యచ్చుతనరేంద్రుని శ్రీరఘునాథనేత క య్యతివ కళావతీసతికి నాహవవైరిమదాపహారి యై సుతుఁ డుదయించె సర్వగుణశోభితుఁ డాశ్రితపారిజాత మ ప్రతిమబలాఢ్యుఁ డీవిజయరాఘవశౌరి జయానుసారి యై.

⁠ 60

క.⁠

కురిసెన్ బువ్వులవానలు మొరసెన్ సురదుందుభులు బ్రమోదంబున న చ్చరలేమలు నటియించిరి తరచుగ హర్షించి రఖలధరణీజనముల్.

⁠ 61

తే. గీ.⁠

అపుడు రఘునాథభూజాని హర్షమునను తాతయార్యుల యనుమతిఁ దనయునకును శౌరి యానతియిచ్చినచందముననె ధ్రువముగ నొనర్చె విజయరాఘవసమాఖ్య.

⁠ 62

విజయరాఘవవైభవము

వ.⁠

ఇక్కుమారకుండు.

⁠ 63

సీ.⁠

తొలుఁదొల్తఁ బసిఁడియుయ్యల నూఁగువేళనే         తోరహత్తుగతులఁ దూఁగ నేర్చె దాది పల్కులు నేర్పుతఱినె శ్రీరాజగో         పాలు నామము లెల్లఁ బలుక నేర్చె నక్షరాభ్యాసంబునపుడె గ్రామములకు         వేడ్క నొప్పంబులు వెట్ట నేర్చె గరిడిలోపల సాము దొరకొన్నవేళనే         తునెలుగా వైరులఁ దునుమ నేర్చె

⁠